Ar ndóigh, tharraing tubaiste chomh mór seo aird an pobail ar fud na tíre, agus sheol na meáin náisiúnta tuairisceoirí chuig Drom Collachair chun cuntais ar an láthair a thabhairt faoi cad a bhí ag tarlú.
Tá imleabhar na n-eagrán de chuid The Irish Independent agus The Irish Times, a foilsíodh le linn na míosa i ndiaidh na tine, ag Seirbhís Leabharlainne Luimnigh. Scanadh an t-imleabhar sin ina iomláine, agus cuirimid i láthair anseo, na míreanna a bhaineann leis an tubaiste a gearradh mar phíosaí amach as nuachtáin.
Tuilleadh faisnéise
Anseo, cuirimid cuid den chomhthéacs i gcúlra stairiúil Dhrom Collachair i láthair – conas mar a bhí an sráidbhaile tráth na tubaiste? Cad é stair ghinearálta an tsráidbhaile ag an tráth sin?
Tuilleadh faisnéise
Bhunaigh an rialtas coiste um chiste faoisimh náisiúnta go díreach i ndiaidh na tubaiste, a thionscain William T. Cosgrave, Uachtarán ar Ard-Chomhairle Shaorstát Éireann. Fógraíodh ballraíocht na comhairle Déardaoin an 9 Meán Fómhair.
Ba láithreach, fairsing agus flaithiúil é an freagra a tharraing an achainí. Tháinig tabhartais isteach ó gach cearn d’oileán na hÉireann, thuaidh agus theas, ón RA, ón Eoraip agus Meiriceá Thuaidh. Tháinig siad ó ghnólachtaí, ó chomhlachtaí agus ó dhaoine aonair. I measc na dtabhartas a tugadh bhí idir tabhartas dochreidte de £500 (os cionn £30,000 sa lá atá inniu ann) ó chomhlacht Guinness, agus tabhartais bheaga bhídeacha de chúpla pingin a thug páistí anaithnide go flaithiúil, d’ainneoin go raibh an t-airgead ag teastáil go géar uathu féin. Here we present a database of all contributions recorded in the Relief Fund notices published in The Irish Times & Irish Independent.
Tuilleadh faisnéise
Scríobh Liam Irwin, an tOllamh Staire ó Choláiste Mhuire gan Smál, Luimneach, atá anois ar scor, ailt faoi thubaiste Dhrom Collachair d’irisleabhar staire áitiúil agus don leabhrán comórtha agus cothrom 80 bliain á cheiliúradh, an dá cheann acu in 2006. Cúpla bliain níos déanaí, áfach, scríobh sé cuntas, agus meastar anois gur cuntas deifnídeach ar an tubaiste, a bhí anseo, agus ar gach rud a thit amach ina dhiaidh, cuntas a foilsíodh mar chuid den tréimhseachán staire iomráiteach, North Munster Antiquarian Journal, in 2013. Is féidir teacht ar an mbunchuntas fada sa rannóg irisleabhar i láithreán staidéir áitiúil na leabharlainne, agus cuirimid leagan, ar a ndearnadh roinnt eagarthóireachta, ar fáil anseo.
Tuilleadh faisnéise
Le blianta beaga anuas, choinnigh ár rannóg um staidéar áitiúil comhaid ar chuid mhaith ábhar a bhaineann le Luimneach. Cuirimid i láthair anseo ábhair na gcomhad staidéir áitiúil ar Dhrom Collachair sa mhéid go mbaineann siad leis an tubaiste dóiteáin.
Tuilleadh faisnéise
In 1953 osclaíodh struchtúr a bhí uathúil ag an am – struchtúr ciorclach agus díon cothrom air agus fuinneoga airde caola ann – mar Leabharlann Chuimhneacháin Dhrom Collachair.
Cuirimid i láthair anseo ábhair ó chomhaid ‘Leabharlann Dhrom Collachair’, comhad a sholáthraíonn sraith roghbhlúirí den phróiseas, ón am gur thairg an coiste an suíomh don Chomhairle Contae in 1950, go dtí oscailt oifigiúil na Leabharlainne i mí Bealtaine 1953.
Tuilleadh faisnéise
